अर्घाखाँची जिल्लाको सदरमुकाम सन्धिखर्कमा कोरोना संक्रमित जिल्ला कपिवस्तुबाट ल्याईएको तरकारी नष्ट गरेपछि कपिलबस्तुका जनप्रतिनिधी, किसानहरु आक्रोशित भएका छन् ।
कोरोना संक्रमित जिल्ला कपिवस्तुबाट ल्याईएको तरकारी सदरमुकाम सन्धिखर्कको डम्पिङ साइड आटिकापाटा र फुदवाङको बिचमा पर्ने अउलाखोलामा नष्ट गरेपछि कपिलबस्तुका जनप्रतिनिधी, किसानहरु आक्रोशित भएका हुन् ।
कपिलवस्तु बुद्धभूमि नगरपालिकाका नगर प्रमुख केशव कुमार श्रेष्ठले आफ्नो नगरपालिकाका किसानले उत्पादन गरेको तरकारी अर्घाखाँचीको डम्पिङ साइटमा फालिएको विषयले आफु स्तब्ध बनेको बताएका छन। उक्त घटनापश्चात मेयर श्रेष्ठले यसबिषयमा थप बुझ्ने प्रयास गरिरहेको भन्दै उक्त घटना लज्जाको विषय रहेको प्रतिक्रिया दिएका छन।
प्रहरीकै रोहवरमा किसानको उत्पादन त्यसरि नष्ट गरिएकोमा आक्रोश ब्यक्त गर्दै मेयर श्रेष्ठले भने- “कोरोना देख्नेले चामल र अन्य खाद्यान्नमा किन देख्दैनन? तरकारी नष्ट गरिएको खबरले म दुखी छु, किसानले दुख गरेर उत्पादन गरेको तरकारी फाल्ने कस्तो प्रकारको कदम हो?” मेयर श्रेष्ठको आक्रोष थियो। तरकारीबाट कोरोना सर्छ भन्नेले दालचामल पनि नलगे हुन्थ्यो नि? मेयर श्रेष्ठले भने- चामल लैजाने तर ताजा तरकारी फाल्ने क्रियाकलाप एकदमै गलत कुरा हो।
भारतका आलु, प्यास खान सक्ने, कपिलवस्तुबाट चामल लैजाने तर तरकारी डम्पिङमा फाल्ने क्रियाकलाप आपत्तिजनक रहेको बताऊँदै मेयर श्रेष्ठले आफुले यो विषयमा अझै बुझेर जानकारी दिएका छन।
बुद्धभूमिको धनकौली तरकारीको पकेट क्षेत्र हो । यहाँको सिंगो गाउँ तरकारी खेतीमा आश्रित रहदै आएको छ । यहाँका किसानको मुख्य बजार अर्घाखाँची रहदै आएको छ । लकडाउन यता यहाँका किसान तरकारी बेच्न नपाएर मर्कामा पर्दै आएका छन् ।
हेर्नुहोस प्रहरीकै रोहवरमा स्थानियस्तरमा उत्पादित तरकारी धमाधम फ्यांक्दै गरेको भिडियो