नवलपरासी : पश्चिमनवलपरासीको सुस्ता गाउंपालिकामा एकैदिन १२ जना कोरोना संक्रमित देखापरेका छन् ।
मंगलबार संक्रमित देखापर्नेमा मा वडा नं. १ का ६ जना वडा नं. ३ का २, वडा नं. ४ का १ र वडा नं. ५ का ३ जना छन् । भारतबाट उनीहरु सबै १६ देखि ५६ वर्ष उमेर समूहका छन् । अहिलेसम्म सबैभन्दा बढी सुस्तामा १६ जना संक्रमित देखापरेका छन् । योसंगै जिल्लामा संक्रमित हुनेको संख्या ३३ पुगेको छ ।
संक्रमितमध्ये ३ जना निको भएर घर फर्केका छन् । यसअघि पाल्हीनन्दन गाउँपालिकामा देखा परेका ११ जना स्थानीय प्राथमिक स्वास्थ्य केन्द्रमा छन् । सुस्तामा देखा परेका संक्रमितलाई स्थानीय बेलवानी स्वास्थ्य केन्द्र भवनमा राखिने तयारी गरिएको छ ।
यसअघि देखिएका २ जना संक्रमित सोही भवनमा छन् । व्यवस्थित आइसोसेलन नहुँदा संक्रमित देखिएकाहरुलाई छुट्टै भवनमा राख्ने गरिएको छ । आइसोलेसन नहुँदा यसअघि देखिएका ३ जना बुटवलमा छन् ।
२ सय १७ जनाको पीसीआर नतिजा आउन बाँकी रहेको स्वास्थ्य कार्यालयका प्रमुख गौरव ढकालले बताउनुभयो । जिल्लामा ९ सय ८ जना क्वारेन्टाइनमा छन् ।