काठमाडौं – सभामुख कृष्णबहादुर महरा प्रकरणलाई लिएर सत्तासीन नेपाल कम्युनिस्ट पार्टी (नेकपा)ले सचिवालयको आकस्मिक बैठक डाकेको छ ।
सभामुख महरामाथि यौन दुर्व्यवहारको आरोप लागेपछि पार्टीको धारणा तय गर्न आकस्मिक बैठक बोलाइएको वरिष्ठ नेता झलनाथ खनालले जानकारी दिए । बैठक केहीबेरमा प्रधानमन्त्री निवास बालुवाटारमा बोलाइएको छ ।
“गम्भीर विषय उठेको छ । पार्टीमा छलफल गर्न आवश्यक छ,” उनले भने ।
यसअघि पार्टी अध्यक्ष एवम् प्रधानमन्त्री केपी शर्मा ओलीले पूर्वसभामुख सुवास नेम्वाङलगायत केही नेतासँग परामर्श गरेका थिए । छलफलपछि अध्यक्ष ओलीले राजीनामा दिएर मार्ग प्रशस्त गर्न निर्देशन दिएको बुझिएको छ ।