विशेष

रत्नपार्कमा भाईटिकाको लागि ओखर बेच्दै ११ बर्षिय बालक, दिनको दुई देखि तीन हजार सम्म कमाउदै

अभिनय कार्की

काठमाडौ : आज भाईटिका को अघिल्लो दिन अर्थात् म्हपुजाको दिन, गाउँघरका घरहरु देखि सहरका घरहरु पनि झपक्कै श्रृङ्गारिएका छन् । लिपपोत देखि रङ्गीविरङ्गिका फुलमाला र विभिन्न रङ्गहरुले सजाईएका छन् गाउँघर, भोलि तिहारको विशेष दिन हो, त्यसैले पनि होला, काठमाडौको रत्नपार्कमा आज व्यापारिक चहलपहल बढ्दो छ ।

यसकारण पनि बढ्दो छ कि, आजको यहाँ बजार भोलिको दिन घरपरिवार बाट टाढा- टाढा रहेका दाजुभाइ तथा दिदिबहिनीहरु एकै ठाउँमा जम्काभेट भएर भाईटिका लगाई मिठा-मिठा परिकार बनाई खाने र सँगसँगै नाच्ने, गाउने र रमाईलो गर्ने साथै साथिभाई जम्मा भएर देउसी भैलो खेल्ने चलन रहेको हुनाले आजको दिन यहाँ भाईटिकाको लागि विभिन्न परिकारको सामान लिन आउँनेको सङ्ख्या बढ्दै छ । व्यपारीहरु पनि निकै व्यस्त नै देखिन्थे ।

यसै बिच बिर अस्पतालको अगाडी फार्मेसीको बायाँ तर्फको बाटोमा अर्थात् अन्डरग्राउन्ड बाटोको दायाँ पट्टिको सडकको पेटिमा एक वालक ओखरको व्यापार गर्नमा निक्कै व्यस्त भएको देखियो । मलाई जिज्ञासा बढ्दै गयो मैले उनको सामु गएर हेरेँ, र मैले उनी सँग केही संवाद गर्ने तयारी गरे ।

उनले हामी सँग संवाद गर्दै यसो भने :

मेरो नाम सौगात आले मगर हो, मेरो ठेगाना प्रदेश नं ३ सिस्नेरी गाउँपालिका वडा नं ७ टेकर भन्ने ठाउँमा पर्छ । म अहिले ११ वर्षको भए भने म अहिले ५ कक्षामा पढ्दैछु । मेरो बुबाको नाम गौतम आले मगर र आमाको नाम सम्झना आले मगर हो । बुवा आमा गाउँमै आफ्नै किराना पसल छ । त्यसैले गाउँमै पसल चलाएर बस्नु हुन्छ । अहिले तिहारमा ओखर बेच्नको लागि मात्रै म यहाँ काठमाडौ आएको हुँ, नत्र म पनि उतै गाउँमै बस्छु । यहाँ आएको बेलामा चाहिँ म हजुरआमा र हजुर बुवा सँग बस्ने गर्छु ।गाउँबाट म ६ गते नै आएको हो, आज ५ दिन भैसक्यो ।

१. यो ओखर तँपाईको आफ्नै बारीमा फलेको हो कि अन्त कतै बाट किनेर ल्याउनु भएको हो तपाईले ?
👉️हैन, मैले गाउँमा अरुकै बाट किनेर ल्याएको हो ।

२. तपाईंले गाउँ बाट आउँदा कति ओखर लिएर आउनुभएको थियो ?
👉️ म गाउँ बाट आउँदा दुईहजार दाना ओखर लिएर आएको थिए ।

३. एउटा ओखर कतिको दरले किनेर ल्याउनु भयो र यहाँ कतिको दरले बेच्नु हुन्छ ?
👉️ एउटा ओखर रु.एक को दरले जम्मा दुई हजार ओखर दुई हजारमा नै किनेर ल्याएको हो, अहिले मैले यहाँ बीस रुपैयाँ को “छ दाना” ओखार बेच्ने गर्छु ।

४. अनि तपाईले बीस रुपैयाँको ६ दाना ओखर दिदा ग्राहकहरु महङ्गो भयो अल्लि घटाउनु भन्नुहुन्छ कि भन्नू हुन्न ?
👉️ महङ्गो भयो घटाउन त भन्नू हुन्छ तर म घट्दैन भनिदिन्छु त्यसैले त्यति लिएर जानुहुन्छ अनि कोहि-कोहि चाहिँ सोधेर मात्र जानुहुन्छ ।
५. अहिले सम्म व्यापार गरेर कति पैसा कमाउनु भयो, अब तपाईं सङ्ग कति ओखर बाकी छन् यहाँ ?
👉️ मैले अहिले सम्म व्यापार गरेर लगभग छ,सात हजार कमाईसके, अब म सङ्ग त्यस्तै तीन चार सय दाना ओखर बाकी छन्, त्यो पनि अब आज बेलुका सम्म बेचिसकिन्छ होला।

Facebook Comments
थप देखाउनुहोस्

सम्बन्धित लेखहरू

Back to top button