स्वास्थ्य

कोरोना भाइरसका कारण अमेरिकामा एक नेपाली नागरिकको मृत्यु

अमेरिकामा रहेका एक नेपालीको कोरोना भाइरस संक्रणका कारण मृत्यु भएको छ ।

न्युयोर्कको सरकारी अस्पताल एलमसमा भेन्टिलेटरमा राखेर उपचार गराइएका ४७ वर्षीय अनिल सुब्बाको आज बिहान मृत्यु भएको हो ।
सुरुमा आफ्ना चिकित्सकसँग जचाउँन गएका उनलाई कोरोना संक्रमण देखिएपछि अस्पतालको भेन्टिलेटरमा राखेर उपचार गरिएको थियो । सोहि अस्पतालमा अर्का नेपाली पनि गम्भीर अवस्थामा उपचार गराइरहेको तथा टेक्सासमा पनि एक नेपाली संक्रमणका कारण गम्भीर भएको बताइएको छ ।

झण्डै डेढ दशकदेखि न्युयोर्कको क्वीन्स शहरमा बस्दै आएका सुब्बा उवर ड्राइभर रहेका थिए । सुब्बा नेपाली समाज अमेरिकाको सक्रिय सदस्य तथा हालका नेपाल समाज अमेरिकाको केन्द्रीय सदस्य रहेका थिए । उनी डाइविटिज र ब्लडप्रेसरको समस्या रहेको पनि बताइएको छ । हाल मृतकका परिवारलाई पनि आइसोलेसनमा राखेर उपचार गरिएको बताइएको छ । उनको शब अस्पतालमै रहेको बताइएको छ ।

पछिल्लोपटक अमेरिकाका अन्य सहरभन्दा न्युर्योकमा कोरोना संक्रमणको जोखिम बढिरहेको अमेरिकाबाट संजय थापाले जानकारी दिएका छन् ।

न्युर्योकमा पूर्णरुपमा लकडाउन नभइसकेको अवस्था र केही नेपालीहरु अत्यावस्यक सेवाका क्षेत्रमा कार्यरत रहेकाले जोखिममा रहेको तथा सर्तकता अपनाउँदै काम गरिरहेको थापाले संसारन्युजलाई जानकारी दिएका छन् । ‘ हामीले कोरोना भाइरसबाट संक्रमित भएका नेपाली र मृत्यु भएका परिवारका लागि केही आर्थिक सहयोग गर्ने उद्धेश्यले टिम बनाउने छलफल गरिरहेका छौं । सम्भवत छिट्टै त्यसले पूर्णरुप पाउनेछ । साथीहरुबाट सकारात्मक सुझाव आइरहेका छन् ।’ थापाले भने ।

कोरोना भाइरस संक्रमणका कारण प्रवासमा दुई नेपालीको मृत्यु भएको छ । यसअघि बेलायतमा पनि पूर्व गोर्खा सैनिक ६५ वर्षीय गत मंगलबार मृत्यु भएको थियो ।

Facebook Comments
थप देखाउनुहोस्

सम्बन्धित लेखहरू

यो पनि हेर्नुहोस्

Close
Back to top button